Poem: Mga Pinalangga nga Iloy
Mga Pinalangga nga Iloy
By: Charry Mae Roldan
Kay sin-o bala dapat nakon ipaanggid?
Ang pagpalangga nga sa akon pagkatawo nagaid
Maalwan nga kasingkasing, walay untat nga pag-ulikid.
Mga iloy sang amon kabuhi
Sa inyo laygay kami nagapamati.
May dakong pagsalig kag paghamili
Bug-os nga ginhatag para sa amon, inyo nga kabuhi.
Hiyas nga gaidlak sa ikaduha nga Dominggo sa Mayo
Adlaw sang aton Iloy dapat ipakamaayo
Bisan gasakit ila kabubut-on, talungdon sila sang husto
Dako nga pagpalangga sa tagipusoon nila ipakadto.
Pag- antos kag kabudlay, indi mabayluhan sang pilak
Kundi pagpalangga kag pag-ulikid nga wala kahilak
Pareho sang adlaw nga sa langit nagasilak
Bugana and pag-ambit nagikan sa mga anak.
O mga pinalangga namon nga iloy-labing huwaran,
Sa kabuhi, namon nga kabataan indi kamo malimtan.
Sang wala’y pagdumot, pagpalangga lang nga tuman
Kag hamili nga pag ulikid sa inyo tubtob san-o man.
Source: SNHS- The Hillside Profile, Vol.3, no.1, p.8, SY 2007-08
